Tab Tak Sab Badal Gaya...

Zindagi ko samajhte,

Tab tak sab badal gaya..

Jaise koi khwab tha,

Aankhon se gira..

Umar zindagi ki, palat gayi jaise

Hawa ke jokhon se

Paltay panne kisi khuli kitaab ke..

Kahin pe thay kuch uljhe hue toh,

Kahin pe thay aadhe mure panne..

Waqt jaldi chala tha ya main hie

Kho gayi thi waqt ke pehlu mein..

Zindagi ko samajh hie naa payi ke

Waqt kaise chala gaya din se

Mahine aur saal ko ginte ginte...

Abh sochti hun ke kahan kho diye

Meri zindagi ke sapne,

Grahsti ko jodte jodte...

Palat ke dekhti hun aaina toh

Nazar aati hai, chehre pe thakaan si.. 

Kismat aur Karma acche ho...

Kismat aur karmas achhe ho toh

Heere aur sone ke 

Jaal mein phas jate hai..

Jab kismat ruthi si ho 

Aur karmas achhe ho,

Jeel si aankhon se

Moti se aansu beh jate hai.. 

Acchi kismat aur 

Acche karm walon ko achhe phal

Aur sukh ki chhaon naseeb hoti hai..

Kismat aur karmas ke naap tol mein

Phas gaye dharti ke jeev.

Kudrat ki kaainat se lok parlok sajja,

Kismat ke aage haar gayi 

Na jane kitni zindagiyan..

Yeh insaano ki aankhon pe 

Maya ke jaal chamakdar..

Phas gaya maanv dekh ke 

Is lok ki jag magahat,

Naa jane kitni baar kar baitha 

 apne halat se samjohta...

Aankhen ho jati hai num, 

jab dil hai rota..

Kis kis se puchhe,

Kyun hua hai

Mere saath aisa dokha.

Kismat ke sitaron se

Mere karmas ulhaj gaye

Ya mera naseeb hie hai aisa.

Aik pal se do pal tak ki mulakat..

Aik pal se do pal tak ki mulakat

Eh dil, jeevan ki dor mein

Baand gayi doh zindagi.

Aayi bahar khil khilane lage

Jaise doh phool mohabbat ke

Aik guldaste mein shaan se..

Kabhi thandi hawa ki

Khushi si lehraye toh 

Kabhi dhoop ki tapat se, 

Udaas nazar aaye..

Badle mausam, aayi bahar

Waqt ke saaye mein

Yeh bi hue doh se chaar..

Khushiyon ke jaise aayi ho bahar..

Jeevan ki bhaag daud se

Yeh bi naa bach paaye

Rang hue phike se

Jaise thak gaye ho jeevan se.

 aaj bi woh pyaar ki khushboo hai

Unke beech mein,

Jaise ek dujhe ko dekh ke,

Jeete ho aik dujhe ke liye.... 

Pata hie nahi chala..

Pata hie nahi chala..

Waqt kaise beet gaya..

Waqt ne aissi karvat li

Zindagi ki kahani,

Aduri si reh gayi..

Hai toh sab kuch wohi,

Par meri naav ne

Khivaiya kho diya..

Mausam aaye laut ke

Aur baharein aayi par

Aaj tak kabhi woh,

Laut ke nahi aaye, 

Jin ke jaane se zindagi 

Adhuri si ho gayi..

Waqt, ki kya baat hai..

www.jazz0961 blogspot.com

Yeh meri 1000nd post hai ..

Waqt ki kya baat hai, 

Mann mauzi, uska mizaaz hai..

Sukh aur dukh haathon mein liye 

Pata nahi, karta kiski talaash hai..

Rukta nahi woh kabhi bas 

Kuch palon ke liye khushi aur 

Gham se sukh aur dukh ko mila deta..

Waqt chalta hie rehta hai 

Bas kisi ki zindagi, 

Kabhi roshini toh 

Kabhi andhre se bhar deta hai..

Waqt toh waqt hai humesha badalta hai

Kabhi accha toh kabhi bhura hota hai, 

Par kabhi kisi ka sagga nahi hota hai..

Yeh kaisi waqt ki leela hai, 

Jab dekho usse bas gol hie gol ghumta hai..

Aankhon Ki Kalam...

Aankhon ki kalam ko

Ashkon ki siyahi mein,

Dubo gayi teri yaadein..

Khayalon ke panno pe 

Tasveer bana di teri 

Purani yaadon ne..

Saanso ke taar se dil ko 

Behla rahe dhadkan ke saaz..

Khamosh lab bi gunguna ne lage

Jab zubaan pe aaya tera naam..

Yeh kaisi deewangi hai, 

Yeh kaisi mohabbat hai teri, 

Jo bas tujh mein hie 

Khoye se rehte hain hum aaj bi..

Tere Khayalon Ka Aana..

Tere khayalon ka aana,

Aake yun hie nazron mein ruk jana..

 gujre hue lamhon ke yaad aate hie 

Ghumsum si palkein, ashqon se num ho gayi..

Laut ke aa gayi hai mausam ki bahar,

Yeh jarna yeh phool aur 

Yeh pakhshiyon ki aawaz.. 

Yaad aa gayi wo suhani si yaadein..

Bas teri yaadein hain jo khayal ban ke

Mujhe yunhi intezaar karaye..

Kabhi toh tum laut ke aaoge mere paas..

Jo Kudrat Ne Nirtya Kiya..

Palak japakte hie deh gaye 

Aashiyane jo kudrat ne nirtya kiya..

Bhikhar gaye naa jane kitne mala se moti 

Koi yahan toh koi kahan gaya..

Toot gaye mahal, loot gaya dharti ka prani 

Naa jane kaisi thi kudrat ki dewaangi..

Aaj bi insaan samet raha hai 

Tinke aapne aashiyaane ke..

Kal jahan mahal thay khade 

Aaj mitti ke dehr hain pade.

Eet se eet jodke, gar banaya 

Na jane kitne armaano se, 

Apne pariwaar ko basaya..

Yeh kaisi mauz hai teri bhagwan.

Jo tere khel ke aage 

Har jeev behbas aur lachaar hua,

Aaj yeh haal dekh ke dil roh diya..yaa rabba.

Kab Dhadkan Ruk Jaye...

Ab toh agle pal ka bi barosa nahi aur

Khuwaishon ke mahal

Khade kar diye hazaron mein..

Aaye din dekhte hain,

Kab dhadkan ruk jaye pata nahi..

Kuch palon mein saanse, 

Halak mein atak jaye kaun jane..

Ab toh maut ka bi koi bharosa nahi..

Maulat bi nahi milti kuch pal ki 

Ke apno se kuch keh paaye 

Jaate jaate, gale milke alvida keh jaayein..

Bin bataye aa jati hai woh (maut)

Apno se chhin jati hai kisi apne ko..

Dekh ke aaj ke halat dil udaas ho jata hai

Afsos..umar kharch ho gayi duniya ko

Sochne, samajhne mein

Aur aik pal bi na laga saanson ko

Dhadkan se bichharne mein..

Aaye Aur Chalte Gaye...

Aaye aur chalte gaye

Pal pal yaadon mein badalte gaye..

Zindagi ki raah pe

Din, raat mein palat te gaye..

Samay ka chakra chalta raha

Roz marah ke kaamon mein

Jeevan ulhajta raha..

Kabhi koi saath chala toh

Kabhi koi chhod ke nikal chala..

Har raah pe hai aik naya sa modh..

Rukta toh koi kisi ke liye nahi

Phir bhi kyun hai kisi ke

Saath hone ka ehsaas dil ko..

Kaun jane kahan se chale aur

Kahan jaa ke ruk jaye yeh kadam..

Har pal pal ka hai mol bada

Jab aaye dard zara..

Chalak jaye ashq juka ke palkein

Jab jab aankhen roye

Dil ke kande pe bichhadne se.

Kaun jane kahan antim 

Pal hai khada judai ka..

Manzil toh sab ki ek hai,

Bas sawari mein hai fark bada..

Beeta hua pal laut ke nahi aana, 

Gujre hue kal mein naa kho jana ke 

Mile hue aaj se haath doh baithe..

Aatma Ki Dor Bandi...

Aatma ki dor bandi parmatma se

Karmon ke chakkar se phans gaye

Is duniya ke maya jaal mein..

Sau dor se bandi har zindagi

Na jane kitne anmol dor se amuliya hai..

Har pal pal ki ginti se na jane

Kaunsi aakhri gari hai jo,

Saans ki dor, dhadkan ki tic tic ke

Tanav se halak mein aatak jati hai..

Kuch hie pal mein zindagi

Duniya se udhan chhu ho jati hai..

Yeh kaisi leela hai teri Ram ji,

Teri nagri mein doh pal ki khushi bi

Bade dard mein badal jati hai..

Jab zindagi aur maut bi teri hie mauj hai, 

Phir kyun dharti ke 

Jeev ko apne pe hai itna guroor.

Khamosh Aankhon Mein...

Khamosh aankhon mein,

Woh khuwaab kahan..

Surkh palkon mein,

Abh woh sailaab kahan..

Lehron ke saath beh gaya kajra 

jab rimzim barse nayno se badra

Yaadon ke samunder mein nazron se

Aaj bhi tumhe khojte rehte hain..

Udaas dil aur mann ke jarokhe se

Neele aasman mein aaj bi tumhe dhundte hain..

Aaj ki Zindagi jaise...

Aaj ki zindagi hai jaise

Aadhi khuli si kitaab,

Kuch panne kore toh kuch

Aade adhure se likhe alfaaz..

Har zindagi ke panne pe

Kalam ki siyahi ke

Kahin bindu hain,

Toh kahin hai tedhi medhi

Lakeeron se bane alfaaz..

Kora kagaz aur khush mizaaj

Aisa nahi hai kisi ke zindagi ka aaj..

 yeh hai naye zamaane ke naye kitaab, 

Har paane ki hai badi si chahaat

Duniya ke rangon se khil jaye zindagi jatpat..

Mausam Kya Badlay...

Mausam kya badle,

Hawaon ne bi apne rukh badal diye,

Kabhi thandi toh kabhi garam si chalne lagi..

Uff uff kar ke har zindagi kabhi thand se

Toh kabhi garmi se pareshaan si hone lagi..

Be-dard ho gaya hai mizaaj mausam ka,

Kahin dharti gusse se tapne lagi toh

Kahin aasmaan roh pada,

Barsaat ke aansu..

Kahin hil jati hai zameen toh

Kahin garzta hai aakaash

Jeena mushkul hone laga

Dekh ke rang bramhand ka..

Sunder aur rangeen phoolon se,

Khate aur meethe se phalon se,

Sajaa tha bramhand,

Janwar aur panchhiyon ki halchal se

Khubsurat tha nazara prithvi lok ka,

Lalach ne insaan ke roop mein

Aake kar diya sab sarvnash..

Abh naa woh sunderta hai

Naa woh phalon mein meethas,

Zindagi ban gayi katputli lalach ki gulaam..