Le jayega churake koi...

Anjaan logon se,naa kar baatein ..

Maa bole, baba bole, 

Wo le jayenge chura ke..

Naa dekh khidki ke bahar 

Na kar taak jaank gari gari..

Koi dekh lega toh utha ke 

Le jayega meri sone ki pari..

Main naa jaanu, naa jane 

Meri chhoti si buddi..

Apni masti mein lagi guddi si

Naachti kudti hui badi, 

Mujhe raha wo darr,humesha dil mein

Le jayega koi chura ke kabhi na kabhi..

Aaya wo din jab maa aur baba ne 

Diya mera haath kisi ajnabi ki

Hathali mein khushi khushi. 

Maa boli chal udh jaa re meri sone ki pari ab

Yeh na aangan tera na yahan tera koi..

Durr desh hai basera tera par

Yahan aana banke mehmaan kabhi kabhi..

Jo le jaa raha hai wo hai saath tera.

Jab bi aaye aana uske sangh hie..

Par wo to tha ajnabi pata na chala

Kab ban gaya mera humjoli...

Kaise ban jate hain ajnabi apne.

Yeh to Rabb ji, jane..ya jane Ram ji..

ho rahi hai barsaat..

Aaj kyun hai aankhen udaas.. 

aansuon ki ho rahi hai barsaat..

labon pe hain siskiyan..

lagta hai jaise kisi ne 

aaj seene se dil chheen liya..

ab bi dhadak raha hai dil haath mein..

aawaaz aayi saanse bi le lete saath mein.

adhure hum kis kaam ke 

na unke bagair jee payenge aur 

naa hum mar payenge yahan..

Tum kyun ho aise..

Mann>tum kyun ho aise..ah soch

Jeetna samajhna chaha tumhe

Utna tum mujhe uljhate gaye..

Har baar tumhare ek naye

Sawal se pareshaan ho jate hum.

Kyun mujhe, tum itna uljhate ho..

Tum toh, mere dost ho na..

Acche se saathi ho..ah soch..

Par tum aise kyun ho..

Kabhi aake, khayalon se ulhaj jate ho

Toh kabhi dil ko, aake tadpate ho..

Tum aisa kyun karte ho bolo na...ah soch..

Bas har baar mujhe sataane ke

Naye tarike, dhund lete ho..

Itna pyaar karte ho ke 

Akele dekha nahi aur 

Saath mere ho lete ho..

Naye uljhan lekar..

dhadkano ka lagaya alaram.

Dekho to kaise banaya insaan..

ismein dhadkano ka lagaya alaram.

saanso ki dor se nachaya..

pyaas bukh aur neendh se jod ke 

ek machine bana ke tic tic kar chalaya..

kabhi khushi to kabhi gham de kar aazmaya..

kabhi dukho ki aandhiyon mein dhuboya..

chahat aur khuwaaishon ke 

rang dikhakar lalchaya..

bechara insaan haddi aur 

chamre se bana kab tak chal pata..

din se raat ..subh se shaam..bas 

jab thak gaya to dil ko pakad liya.. 

nachna tab jake uska khatam hua..

aik bulbula sa tha pani ka 

hawa mein udh raha 

fut ke zameen pe bikhar gaya...

kisko pata wo kahan gaya..

kuch pal ki yaadein 

apno ke dil mein sanjho gaya..

PAL BHAR KI MULAKAT..

PAL BHAR KI MULAKAT..

WO BI KABHI KABAAR..

BIGHRA HO MOOD YA 
HO KOI PYAAR KA FUNDA..

BAS SILSILA CHALTA HAI

RUTHNE AUR MANANE KA..

PYAAR KE MITHE SE ALFAZ KHO GAYE,

DEKH KAR CHEHRA EK DUSRE KA.

AFSOS WAQT BEET GAYA MILNE KA..

AUR US PAR ITNA SARA INTEZAAR..

UFF ITNA BADA IMTIHAAN MOHABBAT KA..

Chahat ke diye.....

wo aate to hain roz 

per mulakat nahi hoti..

unne soch ke muskurate hain hum per 

ab tak unse baat nahi hoti..

kaisi adhure se hai mohabbat ke silsile 

jo pal pal ghinte ghinte bi poore nahi hote..

kabhi wo nahi milte kabhi hum nahi milte.

per chahat ke diye hain aaj bi dil mein jalte..

Dost khaas hote hain..

Dil mein rehne wale dost khaas hote hain..

rishtedaron se jyada,yeh paas hote hain..

khushi aur gham mein humesha 

wo humare shareek hote hain..
apne na hoke bi apne se lagte hai..

do pal na mile wo to bechaini si hoti hai..

kaise bataye ah dost..

tere bin zindagi adhuri si lagti hai.

saath mil jaye dost to 

har manzil haseen lagti hai..

sone ka hai takiya

aayi aayi Raat aayi
apne saath wo hai kuch khaas layi..
chand ka hai takiya..
badalon ka hai bichhona

taaron se saji hai razai..

aaja aaja DIN pyare..

aayi neendiya rani aayi..

chhup jaa re chaar pahar

Raat ki godh mein.

shama jal jal ke lori sunaye..

parwana naach naach ke

aasmaan ka jhula jhulaye..

 neendh pukare aaja re din pyare..

tume sapno ki saher karaye
khuwabon ke mahal deekhayen.

kuch pal to rehne de..

Aansuon n kaha nazron se..
kuch pal to rehne de 

apni aankhiyon mein..

na kar mujhe duur apne se..  

aankhiyon ke pehredar..

chura lenge wo mujhe tujhse 

mila ke aankhiyan chaar..

loot ke bikhar na jaun 

mein tere palkon ke aas paas.

dil mein unki tasveer..

Dil mein thi tumhari tasveer..

aaj tut ke chur chur hogayi..

aankhon ne kaha sorry 

humse bhool hogayi..

jeene samajha tha apna 

wo kisi aur ka nikla.

meri wajah se AH DIL ..

tum laho lohan hogaye.

dard to mujhe bi 

bahut hua sab dekh kar..

per kya karun us se jyada 

mujhe tumse hai mohabbat hai..

bikhar gaye aise..

abi palkon pe baithe bi nahi aur 

bedardi aansuon ne ghira diya..

gaalon pe ghire to 

bikhar gaye aise 

jaise kisi ne apne dil se 

mera naam mita diya.

Teri nazar se..

Teri nazar se na kabhi duur thay hum

per har pal tum thay paas mere..

aur hum tume dhundte rahe idher udher

har pal tere intezaar mein.. 

hum baithe rahe aur 

tum samne hoke bi chhupte rahe..

kaise kaise tumne daale nakab 

chehre per apne ke 

hum hie kahin kho gaye..

Unse mili bi..

Unse mili bi na thi nazrein aur 

aankhen sharma gayi..

dil ne kaha do pal to 

unse nazrein chaar kar leti..

bas ek nazar se unko 

main palkon mein chhupa leti...

wafa ko nibhate...

Maine umar bita di 

wafa ko nibhate nibhate..

tumne pal mein mujhe 

bewafaa karar kar diya..

yeh kaisi mohabbat hai tumhari 

jo parda e hayat ka bi 

mere khayal na rakha.

Aankhon aur dil pe..

Aankhon aur dil pe 
koi ikhtiyaar nahin chalta 
jab samne ho husn chand sa..
palkein bi khamosh si ho jati hain 

dekh ke nazara husn-e-yaar ka....

Kya hai yeh...

Kya hai..yeh duniya..yeh zidagi..yeh log..

yeh hai sab maya ke jhol..

socho to kaisa jadoogar hai wo..

kaise khelta hai apna khel har ek ke saath..

kisiko lambi race ka gora bana ta hai.

to kisi ko dhar dhar bhat ka ta hai..

kisiko khushiyon ke sagar mein dhubota hai..

kisi ko dukhon ke tarazu mein tol ta hai..

karne karane wala wohi AIK MALIK hai..

hum sab to bas tinke aur 

pankh ki tarah hain jo aasmaan se 

udhte hue ghirte hai niche 

zameen mein samane ke liye..

wo aate nahi baaz

wo aate nahi baaz hume rulane se. 

har baar milte hai dil mera dukhane ke liye..

puche ..to kehte hai yehi hai 

mere andaz tumse pyaar jata ne ke.

Piss raha hai is chakki mein..

Har boond mein hai jaan.. 

Har katre mein hai aan..

Har daane mein hai 

Kisi n kisi ki kismat leekhi..

Sab hai likha fir bi 

kyun hai sab uljha sa..

Lagta hai jeevan ik jaal sa..

Phir bi piss raha hai is chakki mein 

Khuwab aur khuwaaishein apni apni..

Zindagi ki daud mein uljane hai kai..

Suljate suljate mitt si 

gayi lakeerein hathali ki..

per chalta hai chakra is 

prithvi ka yuhi chakki ki tarah.

boond banke chamka tha 

kan banke mitti mein mil jayega.

bas astitva aur wajud 

ik yaad banke rehjayega. 

Hum intezaar karenge..

Hum intezaar karenge..

tu aaye na aaye hum roz naya 

paigam likhenge..

haal-e-dil apna 

ismein bayaan karenge..

hawaaon se teri baatein karenge.

tumse milane ki guzaarish karenge..

phir bi tum na aaye milne to 

aankhon se teri shikayat karenge..

teri judaai ke dard 

aansuon se bayaan karenge.

hum intezaar karenge..

tumse milne ki chahat 

dil mein zinda rakhenge.

hum intezaar karenge...

Aankhon ke dayare..

Aankhon ke dayare hain palkein..

palkon pe sajay hain kaale se pehredar..

per ho dard dil mein zara sa to aansuon se 

bheeg jate hain bechare be vajah..

na koi gila na koi shikva bas 

rehte hai aankhon ke saath wafaadar..

dekho kaisa hai yeh pyaar 

aankhon ka palkon ke saath....

Reth ke kan kan mein ho

Reth ke kan kan mein ho.. 
phir bi insaan ke dil mein 
apni jagah dhundte ho..
sab hai suvarthi matlab ke liye 
bana te hain apne dayare 
tume khush karne ke liye..
tum maati ke putle banke sab dekhte ho..
jab ek dharti hai aur ek aasmaan phir 
kyun banaye tumne itne sare taare yahan.
tum rehte ho aasmaan pe..jaise
IK CHAAND CRORON TARON KE BEECH 
phir kyun na reh sake tum dharti pe 
ik chaand banke sab jeevon ke liye. 
bhaant diya tume sab ne kahi naamo ke 
mazhub aur zaaton ke beech.
isliye rotii hai dharti dard se..
ah upper wale kabhi mujhse bi aake mil.
mere seene mein bi hai ik hie dil..
jo sajaya tha tumne mujhe khub per 
bhool gaye puchhna mera haal.
kabhi mujh per bi apni nazar daal..   

Zindagi ke hain kai rang..

Zindagi ke hain kai rang..

Milte hain kuch dukh se bhare 

 toh kuch sukh ke sangh..

Lati hai chehre pe muskaan to 

aankhon mein aansu bi..

jab ho kismat bhimaar

hoti hai mulakaat dard aur 

gham ke saath kabhi kabhar, . 

subah se shaam hogayi 

ab zindagi thak ke chuur ho gayi..

Din dhal ke raat ke aagosh mein chhup gaya.. 

A ZINDAGI chal ab kar kal ka intezaar 

phir la na naya sa rang nayi subah ke saath..

Leekh ne wale...

Leekh ne wale ne leekh di 
kismat teri aur meri..
 Dono ke haathon mein kich di 
lakeerein tedi medi.
Nahi jante kya hai taqdeer mein. 
hoga koi chhutaa hua 
adhura sa gehra rishta pahle ka,  
jo rabh ji ne ab tumse diya hai mujhe mila..

Na kar bandh dil ke...

Na kar bandh dil ke

darwaaze hume dekh kar..

aaj to hum aaye tumse milne

shayad kal na aa paaye.

waqt ka koi barosa nahi

kab wo chhupa le hume

apne bahon mein aur

reh jaye ek aarzoo aapse milne ki

humesha ke liye is dil mein..

SEENE VICH DIL..

SEENE VICH DIL PYAAR DA HAI..

ZUBAAN PE NAAM PYAAR DA HAI..

AANKHAAN VICH INTEZAAR PYAAR DA..

FIR SONIYE KYUN TERA DIL UDAAS SA HAI.. 

PYAAR DI YAADEIN TE
GALAN MITHI MITHIYAAN 

FIR BI HEERIYE KYUN BHEEGI SI HAIN 

TERI PALKEIN AANSU SE..

ek aks ban ke..

Chalte ho saath saath mere 

kabhi khayal banke to 

kabhi mera saaya banke. 

har pal rehta hai tera wajud 

mere aas paas ek aks ban ke..

SAANSO PE JHULE THAY...

A dil na rula itna in aankhon ko,

ke chehre pe udaasi aa jaye..

na tadpa in aansuo ko itna 

ke gham ke sailaab chalak jaye..

kabhi dhadkano ko thaam ke 

saanso pe jhule thay tum pyaar se

ab kyun ho dard ke saaye mein tum(a dil)..

yeh hum(mann) na aaj tak samajh paaye..

Jaise badle mausam....

Jaise badle mausam 

waise tum badal gaye.

badal gaye tum itne ke 

ab hum nahi yaad tume.

bhool gaye tum wo 

mausam-e-barsaat..

bheege thay hum tumari 

yaadon ke aansu ke saath.

bheegi palkein bi jab royi 

aakhiyaan dil ke saath.

na jane kaisi thi ab ki barsaat jo 

rula gayi dil ko teri judaai ke 

dard se phir ab ki baar.

Apni aankhiyon mein..

Kuch pal to rahne de
apni aankhiyon mein..

na kar mujhe duur apne se..  

Oh aankhiyon ke pehredar palkein..

chura lengay wo mujhe tujhse 

mila ke aankhiyan chaar..

darr lagta hai loot ke bikhar na jaun 

mein tere palkon ke aas paas.

Wo shaam...

wo shaam bi ajeeb thi..

jo tujhe roz apne saath le aati..

mere chehre pe 

pyaari si muskaan khila jati.. 

thandi hawaaon ke chalte 

ab wo shaam badal si gayi..

ab ek ajeeb udaas si hai yeh shaam 

jo paas hoke bi na kabhi 

mere saath muskurai aur 

na liya kabhi usne tera naam.

Apne dil pe likhte..

Apne dil pe likhte mera naam  toh

 shayad aaj bi hum tume yaad rehte...

kuch saath bheetaye hue

lamhe tumare liye bi khaas hote.

 mera naam hota labon pe tumare per

tum to mera naam reth pe likh kar

bhool gaye mujhe hamesha ke liye..

AH DIL LAUT AA..

Eh dil laut aa..

Naa mandir tera,

Naa masjid teri.

Naa hie aur

Koi garonda tera..

Laut aa apne pinjre mein

Jahan karta hai,

Mera pyara sa mann

Aaj bi intezaar tera..

Laut aa in aankhiyon ne

Teri yaad mein

Chhalkaye hai aansu kai.

Ab toh laut aa

Jaldi se dher na kar

Meri saanse na udh jaye 
hawaaon ke Saath 

Hamesha ke liye kahin..

Kyun batakta hai gali gali..

Na udh daali daali.

Reh na jaye tere intezaar mein

Yeh pinjra viraan sa khali..

Laut aa a dil..laut aa..

AANKHIYON MEIN REHNE DE..

Aankhiyon mein 

rehne de ashqon ko,

aankhiyon mein rehne wale.. 

ab enne aur naa rula 

kahin tadap ke chal pade 

chhod ke palakon ke baand.

kar baithe hain dil bi apna tere havale 

ab naa tadapa ke tut ke bikhar jaye 

tuje dilse chahane wale.

Khayalon mein tere..

khayalon mein tere har pal rehte hain..

 palkein jhuki to tere dilse milte.. 

bahut kareeb hain tumare 

phir bi lagta hai dono ke 

darmiyaan hain lambhe se faasle.

Dil ki dukaan..

Loot gayi wo dil ki dukaan.. 
chalak gaya wo dard se 
bhare ashqon ka jaam..
pyaar aur mohabbat ke bazaar mein..
na ab wo sakhi hai na ab wo maikhana..
bas rehgaya wo deewana aashiq 

gungunate apni mashooq ka naam..