KYUN....?

Roz roz zindagi se yeh khuwahishein kyun..

Chalti hui jeevan ki gaadi se yeh farmaishein kyun..

Chamakta hai subah ka suraj toh 

Raat ke aate hie andhera ho jata hai kyun..

Roz leti hai janam kayi zindagiyaan 

Phir bhi kayi joliyaan hai khali kyun..

Har kyun ka jawab nahi phir bhi 

Har sawal mein hai aata kyun..

Zindagi ke jedojehad mein 

Naa jane hai kitne aise kyun..

Pareshaan si ho jati hai 

Jeevan ke sukun ki ladiyaan, 

Yunhi suljate naa jane kitne kyun..

Har jeev ke saath juda hai aisa kyun, 

Ke aakhir saans tak reh jata hai yeh bas kyun.

Bichhde Sabhi Baari Baari...

Bichhde sabhi baari baari..

Koi mann se toh koi dil se bichhda..

Jo kal tak apne thay, 

Woh aaj apno ki nazron se dur chale..

Dilon ke faasle ab, 

Maya ke mahal se lipte nazar aaye..

Zanjeeron ke jaale hain, 

Rishton pe taale hain

Apno ne daale, apno ke liye..

Badi beh-dard hai zalim yeh zindagi,

Mohabbat aur pyaar mein 

Haar jati hai lahoo ki laali..

Janam ka rishta kyun hua jhoota

Maya ke rang aankhon ko, 

Kar gaye itna aandha..

Jab jana hai sab ne 

Lekar hathli khali, 

Phir kyun samet rahe ho 

Yeh behd baav ki gathri bhari..

Yunhi aaye aur yunhi jayenge 

Apno ke dil jala kar pyaar ya 

Nafrat ke deep se hamesha ke liye..

Waqt ke chakra se nahi bach saka koi..

Aaj meri toh kal teri hai baari, 

Bichhde sabhi baari baari.

Aik Dil Aur Uske Sau Afsaane..

Aik dil aur uske sau afsaane,

Koi maane ya naa maane..

Dhadkan ki dori se armaano ki doli bandhi,

Soch ke jarokhe se mann ne angrayi li..

Khuwaab aur khayalon ke

Udan khatole mein saanso ki doli saji..

Mann ki mauze, dil ki dewaangi 

Le aayi aise morh ke dehleez par, 

Jahan nazar aayi badalon ke 

Aagosh se lipti khushi..

Khula aasmaan aur niche vishal dharti,

Dhole dil jaise azaad panchhi..

Mohabbat Mili Mehboob Se..

 Muddaton baad mohabbat 

Mili mehboob se prade ke uss paar..

Lafz se kum nazron se keh gayi woh, 

apne mehboob se dil ki baat..

Aaj bi nazar aayi woh surai soni si,

Aankhon mein chhupa gayi 

Woh dard barson ke..

Naa jane kaisi gari thi,

Jo do dilon ko mila ke bichhra gayi..

Aaj bi yaad aate hai dono ke 

Pyaar bhare afsaane, 

Toh palkein bheeg jati hai ashqon se..

Chhere pe mohabbat ke

Muskaan toh hai par

Aaj bi dil ke gharonde mein

Mehboob ki judaai se,

Ungint dard hai woh chhupe..

Bas Tumhari Yaadein Reh Gayi..

Yaadein, bas tumhari yaadein reh gayi..

Is dil ke zarokhe se dekhi humne 

Aankhon mein chhupi tasveer tumhari..

Tum toh coson durr chale gaye phir bi 

Har baat mein yaad aati hai tumhari..

Saath tha humara saalon ka, 

Na jane pal mein kaise bikhar gaya..

Thi daayan koi chaukhat pe khadi, 

Sindoor meri maang ka churake, 

Meri khushiyan bhare 

Aagan ko viraan kar gayi..

Ab yaadein tumhari, 

Bas saugat hai humari..

Aankhon se chalke moti bata gaye 

Ke tumko bi yaad aati hai humari.. 

Humse bichharne ka dard tum ko bi hua hai, 

Yaadon mein aake tumne jata diya hai..

Ab tumhari yaadein hai aur 

Yaadon mein hai har baat tumhari..

Tere Is Shehar mein...

Tere is shehar mein akele se ho gaye..

Tum toh na jane rishton ki 

Zanjeer se kahin dur nikal gaye..

Aati rehti hai yaadein 

Soch ke aangan mein 

Kho jate hain phir aake 

Hum tumhare khayalon mein..

Bin tere pal pal kaise beeta, 

Din aur phir saal mein 

Ab toh nazrein bi thak gayi 

Tere intezaar mein..

Palkein meri bheeg jati hain,

Jab jab dil hua udaas tere naam pe..

Aaj bi chahate hain tum laut ke aajao 

Phir se humare jeevan mein..

Kya yeh vaade aur yeh rishte thay,

Jin ke khai thi kasame 

Saath saath jeene aur marne ke..

Sab tod ke chal diye tum 

Durr hum se humesha ke liye..

Kabhi pal bhar bi naa socha tumne murh ke 

Tum bin kaise kaatenge yeh jeevan hum akele se..

Eh Zindagi..

Naa jane kyun uth gaya 

Aitbaar tujhse, eh zindagi.. 

Meri taqdeer ki naav mein 

Kyun hai udaas si khadi..

Kuch pal ke liye dard ne 

Aanchal odha tha khushiyon ka, 

Palkon ke shaanv mein 

Aaj bi hai chhupi ashqon ki ladi..

Ab gehre hain itne darr ke saaye ke 

Chura na le jaye koi mere jeenay ki kadi..

Soch ke samunder se 

Khayalon ke mehalon mein 

Dhoondti hoon aaj bi 

Teri haisiyat, eh zindagi..

Zindagi Jaise Koi Kahani Kitaab Ki..

Zindagi, jaise kitaab ke panno pe likhi koi kahani,

Har kahani ke thay morh..

Har us morh pe aake rukh jati thi kadmon ki aahat..

Soch mein dhoob jati hai jeevan ki naiya,

Kis chhor pe aake bichhar jata hai koi apna sa..

Anmol hai zindagi ka pal pal,

Jab tak na lage koi thokkar..

Aankhon ka rishta dil se juda,

Dard mein ashq palkon ko

Bhigokar chhalak pada..

Umar bheet gayi panno ko palatte palatte

Naa jane kab dhundla gayi nazrein zindagi ko padte..

Ab daud zindagi ki ho gayi hai dimi si,

Chaal bi lar khara jati hai khalyon ki

Yaadon ke aaine ke aage..

Kabhi khushi se kudte toh

Kabhi udaasi mein dhoobte..

Pata na chala kitni dur nikal aaye

Zindagi ke anmol khazane ko sambhalte..

Kahan se kahan aa gaye

Akele thay aur akele hie reh gaye,

Ab toh panne, kitaab ke bi phat ne lage.

Kuch kuch alfaaz bi mit ne lage..

Lagne lagi kitaab purani si,

Zindagi ke safar mein

Bachpan se lekar khushal jawani thi,

Sapno ke rang se rangi zindgani thi..

Kuch boonde shabnam ki

Toh kuch boonde bharish ki thi..

Mere aagan mein toh

Khushiyaan mehmaan si thi..

Sar pe chandi si chamakne lagi

Chehre pe juriya khichne lagi..

Lakh karu jatan ab woh surat naa rahi..

Zindagi ke safar ki kahani

Kahan se shuru hui,

Kahan jake thhar si gayi..

Kitab ke paano ki beech aaj bi hain

Kuch panno ke kone muray hue..

Na jane kyun hai adhure se

Khuwaab in se aaj jude hue..

Kitaab ki kahani,

Lafzon ne aankhon se bayaan kar di..

Zindagi jaise kitaab ki kahani si ban gayi..

Mitti ke thay....

Mitti ke thay aur mitti mein mil gaye...

Shraddha aur aastha ke chakravyhu mein phans gaye..

Insaan ke haathon se kahan se kahan aa gaye..

Kaisi hai yeh maya mandiron se nikal kar

Gharon mein mehmaan ban ke aaya..

Shraddha aur aastha insaan ki

Dekh kar mitti mein ja samaya..

Bin bin roop aur rang se

Mitti ke putle mein sajaya..

Aisi karigari insaan ne ki, unginit

Aankhon mein khoobsurat nazar aaya..

Le kar mahusay ki savari gar gar ghum aaya..

Kuch din tak mann mauji banke 

Kai tarah ke swaad chakhaye..

Har ek ke pyaar se mera mann bhar aaya..

Kisi ne do din toh kisi ne 

Paanch din tak mujhe manaya..

Chalo aaj aaya din, 

Band baaje ke saath mujhe, 

Ganpati bappa moriya,

 purcha varshi laukar ya, 

Ga ga ke apne gar se ravana kiya..

Eh insaan teri aastha dekh ke 

Mujhe bi aaschariya hua..

Kahan se laye aur kahan chhod aaye..

Kuch din mein, insaan ki shraddha 

Aur aastha ke dekhe roop anek se..

Insaan apne haathon se

Mujhe paani mein visarjan kar aaye..

Kal tak tha gar gar mein saja, aaj zameen pe 

Bhe-jaan sa main hoon pada..

Mitti ke thay aur mitti mein aa baithe..

Kal Tak....

Kal tak, hum thay paas paas,

 har shaam hote thay saath saath..

Ab meri, shaamein tanha ho gayi tere bin.

Akele akele se, hum ho gaye tum bin.

Humse dur, kyun tum hoti jaa rahi ho.

Kya baat hai, jo palkein jukaye ho

Ab toh humse nazrein bi nahi milati ho..
Ya kisi aur ko aankhon mein chhupaye ho..

Bandh Muthi Kismat Ki..

Khabar agle pal ki nahi, chinta umar bhar ki hai..

Laya tha bandh muthi kismat ki, phir kyun pareshaan sa hai..

Sab woh deta hai waqt pe, phir fikar kisi cheez ki hai..

Dher, saver waqt ki hoti hai,kismat pe apne toh yakeen kar..

Zindagi di hai, toh takdeer bi likhi hogi, acchi nahi toh thik si hogi.

Heere aur sone si nahi par zindagi phoolon si toli hogi..

Pal pal anmol hai zindagi ka,kyun naa kare kader..

Be jaan si cheezon pe kyun kare hai itni fikar..

Aaye hain toh jana hai, ek din sab ne kabhi na kabhi..

Apna apna kehte hain par waqt pe,koi nahi deta do saanse udhaar ki..

Mila hai kismat se toh istamaal bi kar,

Naa ki bandh kar ke,aane wale kaal ka intezaar kar..

Pata nahi phir mile na mile,woh tere naseeb mein..

Uska diya woh jab chahe le le, phir chahe woh jeevan ho 

Ya aur koi punji(daulat,aulad)..

Ab waqt aisa aaya hai kuch keh nahi sakte 

Palak japakte kab kuch ho jaye..

Itne phans chuke hain is moh maya ke chakkar mein

 ke dene wale ko bhool gaye..

Apni mohr lagakar khuda ban baithe..

Naashukar insaan se, bada koi paapi nahi. 

Malik ne farishta banaya jeevan ki daulat ke sukh de kar 

Kisi ke liye farishta toh naa ban sake par laalach ke gulaam ban baithe..

Maut bi aayi toh maulat bi naa mili, jo gale se laga ke le jate woh sab, 

Jis ko umar bhar sambhala sab ki nazron se, woh hie chhod ke chale,le kar ke muthi khali..

khayalon ka Mahal dekha hai..

Dil ki jarokhe se khayalon ka mahal dekha hai..

Aisa ho gaya hai khush numa mahaul ke

Ab mann ko bi jalan si hui hai..

Dhooba dhooba sa hai mizaaj aaj haal e dimaag ka 

Aankhon ne toh kar di hai dimaag ki dukaan bandh..

Na jane yeh kaisi madhoshi si nazron mein chhayi hai,

Jaise surai se madira aankhon mein bhar aayi hai..

Joomta hai dil ga ga ke raag sawan ke,

Kaale baadalon se chham chham kar ke,

Barsaat dil ke aangan mein aayi hai..

Badalon mein chhup chhup ke 

Dilse aankhmicholi ki hai, 

Aaj chand ne dillagi ki hai..

Ab toh dil ko chand se mohabbat hui hai..

Life is not a Bed of Roses..

Life is not a bed of roses for everyone..

Every individual has the share 

Of good n bad day..

Time alway play a key role 

In everyone's life..

But unfortunately luck 

Is blamed for unlucky stars..

 good n bad deeds, land a hand 

To move on the road of karmas..

Mind & brain struggle with 

Ups down of their thinking,

But poor heart & two eyes 

Bear the results of feelings..

Think for awhile, 

Why is the sky so high,

And the ocean so deep..

Trying to reach both side, 

But its out of reach of hands..

Always settle down with what is 

Available in hand..

 but unwanted demands will land you 

In hell with many reasons..

For soul, body is the path 

To reach to almighty 

By praying n meditations..

Oh lord, after the birth, 

Forgot the aim of coming here ..

Body got distracted with 

All illusions of mayas..

After birth, taught this is 

What am born for

Wrong ways of entertainment 

N happiness to satisfy a life..

But when the journey ends 

Bychance in the middle of the road,

When one has to go,

Everything is left behind..

The reason behind, soul

Being here on this earth is 

The choice of  the universe.. 

Months before birth, almighty 

Gives the sign of  new life coming, 

But, death doesn't give a sign of

Ending the journey of  life..

So wakeup & check yourself 

Where you stand today, hell or heaven,

From the eyes of your soul..

                                                                                 

Kabhi Yun Bi Hota Hai...

Kabhi yun bi hota hai,

Shuniya ho jati hai dhadkan 

aur khamosh saanse bi..

Kho si jati hai nazar aik tak si soch mein.. 

Hoti hai halchal si mann aur dimaag mein..

Dil ho jata hai akela dono ke beech mein..

Chalti hai gaadi soch ki khayalon ke patri pe..

Kahan se kahan pounch jati nazar 

Vichaaron ke bhanvar mein..

Anzaam jo bi ho mann aur dimaag ki soch ka,

Dil ho jata hai pareshan sa be-vajah.. 

Aankhon se bayaan ho jata hai

Koi toofan toh hai, jo rooh se ulhaj ke 

Shuniya pe hai ruka..

Aaj Qalam Ungliyon mein

Aaj qalam ungliyon mein 

Kar rahi hai intezaar..

Dil kuch bole to likhun 

Uske haal chaal..

Soch mein dhuba hai dil,

Par mann samajh na paaye, 

Kiske khayalon mein 

Aaj khoya hai a dil...

Kaisi duvida mein aake 

Phans gaya re tu manna..

Naa hai khush, 

Na hai aaj yeh dil udaas..

Ulhji ulhji si uski nazrein, 

Pata nahi kis ke khayal hai aaspaas..

Na jhuki palkein, 

Na chalke ashq, 

Phir bi a dil tu khoya hai kider..

Yeh qalam tumse puchhe baar baar, 

Ab toh karo kuch uska bi humse, izhar e haal.

Yun Naa Tum Ruthke Jao..

Suno meri jaan,

mujhse, yun naa tum ruthke jao..

Aajao laut ke aajao..

Tere bin, hum jee naa sakenge 

ek pal ki bi duri..

Yeh kaisa pyaar hai tera

 jo chhoti chhoti baaton mein

Tum ho jati ho yun hie khafa..

Aa jao, laut ke aa jao..

Naa tum yun mujhse durr jao..

Tum bin kya yeh zindagi raas aani mujh ko..

Dekh le aake in pareshan aankhon ko..

Tere liye hie thay hum aaye, 

Ab tere bin kya jee ke karenge.. 

 lo chal diye, hum bi tumse durr, 

Kabhi naa laut aane ko..

Ab jo agar tum naa aaye, mere liye..

Tum bi Badalne Lage ho..

Tum bi badal ne lage ho mausam ki tarah..

Baat baat pe jagarne lage ho pagalon ki tarah..

Yeh kaisi zidd hai, ulfat-e-mohabbat mein tumhari, 

Dard-e-judai bi sehen tumse aur 

Ashq bi naa aaye aankhon se humari..

Aankhen Khoyi si...

Aankhen khoyi si hain aaj bi, uske yaadon mein, 

Dard kitna gehra tha, unn jhuki si palkon mein.. 

  eik dard ki tis si, dil mein uthti hai 

Jab dil roye aur aankhen ho num, unse bichharne se..

Mitti ke khilone hain, isliye 

Haath chhor dete hain beech raah mein aake..

Apna nahi hota koi, bas bharm hai rishton ka

Warna koi chhor ke na jata saath apno ka..

Zindagiai Aus Ki Boond Si..

Zindagi hai aus ke boond si

Koi phool pe giri toh koi zameen pe..

Kismat toh sab ki hoti hai haseen 

Bas lakeerein nahi chamakti

Aasmaan ke taaron si..

Mil ke bichharna hai

Lehron ko kinaron se..

Kab saath rehta hai sapna

Aankhon mein jaag ne pe..

Naa jane kab aus, 

Ashq ban ke aankh se chalak jaye..

Safar mein milne wale naa jane kab 

Palkon ko chhu kar bichhar jaye..

Zindagi hai bas aus ke boond si  

Yaadein banke dil mein 

Reh jati hai motiyon si..

Kainat mein Insaan ki Jaat..

Kainat mein insaan ki jaat, 

Kudrat ki karigari..

Mamta ki murat..maa..

Pyaar ka bhandaar..pita..

Hansi mazak, ladai jagra, 

Bhai behan ke saath..

Chatur aur chaalak, 

Dost aur rishtedar,

Jo matlab samjhaye jeevan ka..

Ek zindagi ke kai roop, har roop mein, 

Basa hai achhai aur burai ka beej..

Kuch janam se toh kuch aadat se 

Majboor hote hain isliye 

Batak jate hai apni manzil..

Gunegaar hai jeev jo rahte 

Darti aur aakash ke beech..

Insaan ko baksha sab sukh aur 

Dukh ka swaad de kar dil aur dimaag..

Matlabi aur makaar nikla insaan, 

Bana baitha us malik ke 

Kai aakar, aur de kar kai naam..

Jis mein uski lalaach 

Uthi aur hua mann bhimaan.

Bol, bol ke, ram ram sita ram..

Alfazon Ki Jugalbandi Se...

Alfazon ki jugalbandi se, 

Main shayar ki shayri bani,

Kavi ki bani kavita..

Saaj aur sur ke taal se 

Bani geeton ki mala..

Mere roop ka koi 

Pagla deewana ho gaya, 

Toh koi parwana ban ke 

Mere liye jalta raha..

Mehfil aur maikhane saje, 

Mujhe dekh madira ke jaam uthe 

Mujhe pyaar ke suron pe nachane lage..

Naachi mein baand ke gungroo har baar..

Shama ban ke roshan hui,

Sab ke dilon ki chahat har raat..

Nazron Mein Uske Dard Ubhar Aaya..

 Nazron mein uske dard ubhar aaya..

Aankhon ke kinaron pe jaise 

Samunder uttar aaya.. 

Palkon ki numi se uske 

Gulabi gaalon pe kajra bikhar gaya,

 ashq moti ban ke lariyon mein chalak pare..

 hoton ne jaise uski zubaan ko qaid kar diya, 

Dard jo uske dil mein tha, 

Nazron ne nazron se bayaan kar diya..

Kismat Ki Chader Pe Hai Kai Silvatein..

Kismat ki chader pe hai kai silvatein..

Kuch dard se kara rahi hai toh 

Kuch waqt se ladh ke thak gayi..

Jaise har roz ki subah shaam se 

Ulhajte ulhajte haar gayi..

Be-zuban si hai taqdeer, 

Seene se jaise latakti saanso ki zanzeer..

Ghut ghut ke jee rahi hai jaise aankhon se zindagi..

Yeh chader maili haddi ke dhanche se lipti hui..

Kahin se roti hui kahin se sisakti hui 

Apni zindagi ke halat bayaan karti hui..

Yeh hai kismat ki chader gareeb ke naseeb ki..

The World Has Changed From...

 The world has changed from 

Simple living to modern living..

Latest inventions of technology, gadgets,etc 

Have made life easy within the touch of a button..

  today, we enjoy the facilities of electronics..

But you must have felt the 

Change in your life from the past..

You are happy ,since, you are in touch 

With all the modern amenities available..

We got many gadgets that made life comfortable.. 

But have you seen the change world is facing today..

Slowly slowly our life is soffocated 

With the chemicals available in air..

Today, environment is damaged with 

The reaction of chemicals used in technology..

Technology products are hazardous

For our life & other living creatures on earth..

Now a days many of us are facing 

Health hazards at this young age..

Heard about world warming signs just in news or

When world face some climate problems, 

But still people are not really worried about it..

Signs & singals of climate &

Earth warming around the world

For all this reactions of latest

Technology gadgets available in our daily life..

Think today what we lost & what we found

When we are facing so much

Problems with today's climate,

What are we going to leave

For tomorrow's generations..

Invent new product with technology

But at the same time see not to

Harm mother earth as their are other

Creatures present who will

Suffer too with latest technology..