Zindagi ka safar...

Nav mehno ka safar, 

Minto mein tut gaya. 

Tere bachpan se teri jawani ka safar 

Kai rishton se tumhe dur le gaya.. 

Mujhse mile bhi tum toh 

Bas kuch lamhon ke liye... 

Roz ke bhagdaud mein 

Naa jane tum kab bade ho gaye.. 

Yaad aati hai teri har pal bas 

Aankhen roh deti hai palkon ko bheegokar.. 

Sab rishton se pyara tha tera mera rishta, 

Duniya se pehchaan banane ke liye, 

Tum mujhse durr jane lage..

Dil(relatives) bole tere bete 

Abh daari muhchh wale ho gaye,

Jaldi se iski shaadi kara de..

Mann hie mann main muskurati 

Jab tum mere se lambe nazar aane lage..

Tum toh thay farishte us khuda ke 

Mere aangan mein aake khilay..

Ruthe hote toh bhela kar mana leti tujhe,

Tum toh itne durr gaye mujhse 

Ke laut aane ke rastay hie nahi hai tere..

Kis kis se chhupaun apne dard, 

Ke apna hie chhod gaya apno ko baigana kar ke..

Abh dil rota hai tujhe yaad kar ke,

Kya yaad aati hai humari kabhi tujhe 

Ke bhool gaya humein jake daam prabhu ke..

SAPNE...

Sapne.... 

Mere sapne tere sapne, 

Kaise hai yeh apne apne..

Khuli aankhon se, 

Bandh aankho mein aate.

Anjaan duniya mein ghumate..

Kabhi kuch jane,

Kabhi kuch anjaane se 

Chehre hai nazar aate..

Naa jane yeh kaisi duniya hai jo 

Bandh aankon ke sapne 

Ulhja jaate hai adhuri si baaton mein.. 

Kabhi rula jate hai toh 

Kabhi darra jate yeh sapne

Kuch adhuri kahaniyaan jo 

Aankh khulte hie dundla jati hai.

Kuch adhuri baatein jo 

Jaagte jaagte dimaag mein ruk jati hai..

Ulhji si nazar khuli aankhon se 

Jodti hai bheete hue bandh aankhon ke sapne..

Kaise hai yeh sapne jo 

Needh mein hie aate hai satane..

Bheete hue kal se aane wale kal ki 

Adhuri zindagi ki kahaniyaan dikhane...

Saathi Is Jeevan Ki Rail Ka...

Ooh re manna kyun ho tum itne udaas,

Koi nahi hota humesha saath..

Jeevan ke safar mein 

Milte hai aisse log hazaar 

Par koi nahi chalta saath. 

Mann ko behlana kuch lamhe unke beech,

Yeh nahi hai tere koi aziz..

Badal jate mausam, 

Yeh badle toh kyun hai tumko gham..

Matlab ke yeh dost, matlab ke yeh rishte 

Milte hai jeevan ke safar mein..

Naa rahe udaas safar mein 

Nahi humesha hota hai har koi saath..

Safar hai zindagi ka jeevan ki rail se, 

Kai aaye kai gaye, 

Naa jane kya kya saugat de aur lekar gaye.. 

Bas kabhi kuch ashq chhalak gaye aur 

Kabhi chhoti si muskaan chehre pe 

Khil gayi yaad aate hie unn palon ki.. 

Koi nahi tera ya mera, 

Har koi hai bas 

Saathi is jeevan ki rail ka...

Ginti anko ki ya Tajurba zindagi ka..

Waqt ki tik tik se

Badal jate hai pehr din ke.

Daudte hai kante gari ke ya

Hum hie kho gaye hai khud mein.

Sochte hai kahan aake ruk gaye

Jo khud se khud ko dhund rahe..

Kal naa thi fursat pal bhar ki jo

Kuch lamhe ruk ke sochte aik pal ke liye,

Aaj aisa aya ke fursat hie fursat hai par

Nahi hai koi jagah jane ki..

Abh yeh lamhe gujarte nahi

Naa hie pal jaldi se beet te..

Sochte hai kaise itne thak gaye

Ke zindagi bhoj si lagne lagi..

Thak chuke hai ab is moh ke daagon ke 

Jaal se ulhajte ulhajte..

Ginti anko ki thi ya 

Tajurba zindagi ka,

Jo tik tik kar ke chalta raha 

Aur ginta gaya har pal aur har lamha..

Mumbai Meri Jaan..

Mumbai tere gohd mein 

Lambi khadi emaratein dekhi.

Niche baithi juriyon mein 

Sapne bunti aankhen dekhi.

Roz roz zindagi se rote 

Muskurate jeevan ki 

Gaadi chalte dekhi..

Gandagi aur kichad mein 

Zindagi ko panapte dekha,

Naye phoolon ko khilte dekha.. 

Dard aur gham ke saaye,bhukhe paet 

Chhupate tujhe muskurate dekha..

Dekhe tere bheege 

Aanchal pe aansu ke daag 

Jab tu roti hai chhupa ke apna haal..

Tere paas aane ko 

Tarasti hai kitni bhayein 

Chhor ke apna desh aur gaon..

Samet leti hai sab ko 

Apne aagosh mein..

Basa deti hai lambi emaraton 

Ya chhoti jopriyon mein..

Badnaseeb jo aaye apni kismat aajmane 

Unne bi beetha deti hai footpath pe 

Zero se hero banne ke liye

Par koi nahi jata tujhse durr 

Aik baar teri choukhat pe aake.. 

Ohh mumbai meri jaan 

Tujko hai har mumbaikar ka salam..  

Ulhaj Gaye Apni Soch Se.....

Banaye tarakki ke kai naye raaste,

Par aaj dekho toh khud hie

Ulhj gaye hai apni soch se..

Jo kuch karte hai bas

Zimmedari samajh ke karte hai..

Arre yeh kaisi soch hai humari

Jo humko hie hai nachati..

Naa jane kab kali(beti)

Aangan ki phool bani,

Titli ban ke udhne lagi..

 aur kab beta khidki se

Darwaaze tak paunch gaya..

Naa dekha unka bachpan

Naa hie mili fursat jo,

Kuch pal waqt ko rok lete..

Khud ke liye fursat nahi jo

Chaar pehr ki needh le sake...

Aaj yahan toh kal wahan,

Bas daudte hai khuwabon

Aur khayalon ke pichhe..

Phir bi kehte phirte hain

Waqt badal gaya..

Par waqt ko murh ke dekha

Toh woh wahi tha khada,

Jahan chord aaye thay kal...

Bas hum khud hie daud daud ke

Kho gaye maya ke mehal mein.. 

Apni daud poori karni hai,

Kuch adure sapne sametne hai,

Bas waqt ko pakadne ke chakkar mein   

Naa kabhi khud ke liye socha, 

Naa hie kabhi khud ke liye jeeye..

Ab jo apno se dur ho gaye,

Zindagi ke safar mein.. 

Sochte hai, 

Kaash waqt ko samjha hota 

Kuch waqt ke liye...

Aankhen Takti Hain Raah Teri...

Aankhen takti hain raah teri,

Kabhi toh aayegi tum ko yaad meri..

Udaas hai aankhen toh rota hai dil 

Kyun nahi aata tumko khayal mera ek pal..

Bhool gaye raaste is manzil ke

Ya mil gayi nayi raahein.. 

Roz roz yahan aake ruk jate hai mere kadam 

Udaas mann se phir laut jate hai hum..

Sochti hun woh kaunsi wela thi 

Jo humse dur chale thay tum..

Ab toh nazrein taras gayi tere deedar ko,

Bhule se hie mil jao in nazron se tum.