Ginti anko ki ya Tajurba zindagi ka..

Waqt ki tik tik se

Badal jate hai pehr din ke.

Daudte hai kante gari ke ya

Hum hie kho gaye hai khud mein.

Sochte hai kahan aake ruk gaye

Jo khud se khud ko dhund rahe..

Kal naa thi fursat pal bhar ki jo

Kuch lamhe ruk ke sochte aik pal ke liye,

Aaj aisa aya ke fursat hie fursat hai par

Nahi hai koi jagah jane ki..

Abh yeh lamhe gujarte nahi

Naa hie pal jaldi se beet te..

Sochte hai kaise itne thak gaye

Ke zindagi bhoj si lagne lagi..

Thak chuke hai ab is moh ke daagon ke 

Jaal se ulhajte ulhajte..

Ginti anko ki thi ya 

Tajurba zindagi ka,

Jo tik tik kar ke chalta raha 

Aur ginta gaya har pal aur har lamha..

Mumbai Meri Jaan..

Mumbai tere gohd mein 

Lambi khadi emaratein dekhi.

Niche baithi juriyon mein 

Sapne bunti aankhen dekhi.

Roz roz zindagi se rote 

Muskurate jeevan ki 

Gaadi chalte dekhi..

Gandagi aur kichad mein 

Zindagi ko panapte dekha,

Naye phoolon ko khilte dekha.. 

Dard aur gham ke saaye,bhukhe paet 

Chhupate tujhe muskurate dekha..

Dekhe tere bheege 

Aanchal pe aansu ke daag 

Jab tu roti hai chhupa ke apna haal..

Tere paas aane ko 

Tarasti hai kitni bhayein 

Chhor ke apna desh aur gaon..

Samet leti hai sab ko 

Apne aagosh mein..

Basa deti hai lambi emaraton 

Ya chhoti jopriyon mein..

Badnaseeb jo aaye apni kismat aajmane 

Unne bi beetha deti hai footpath pe 

Zero se hero banne ke liye

Par koi nahi jata tujhse durr 

Aik baar teri choukhat pe aake.. 

Ohh mumbai meri jaan 

Tujko hai har mumbaikar ka salam..  

Ulhaj Gaye Apni Soch Se.....

Banaye tarakki ke kai naye raaste,

Par aaj dekho toh khud hie

Ulhj gaye hai apni soch se..

Jo kuch karte hai bas

Zimmedari samajh ke karte hai..

Arre yeh kaisi soch hai humari

Jo humko hie hai nachati..

Naa jane kab kali(beti)

Aangan ki phool bani,

Titli ban ke udhne lagi..

 aur kab beta khidki se

Darwaaze tak paunch gaya..

Naa dekha unka bachpan

Naa hie mili fursat jo,

Kuch pal waqt ko rok lete..

Khud ke liye fursat nahi jo

Chaar pehr ki needh le sake...

Aaj yahan toh kal wahan,

Bas daudte hai khuwabon

Aur khayalon ke pichhe..

Phir bi kehte phirte hain

Waqt badal gaya..

Par waqt ko murh ke dekha

Toh woh wahi tha khada,

Jahan chord aaye thay kal...

Bas hum khud hie daud daud ke

Kho gaye maya ke mehal mein.. 

Apni daud poori karni hai,

Kuch adure sapne sametne hai,

Bas waqt ko pakadne ke chakkar mein   

Naa kabhi khud ke liye socha, 

Naa hie kabhi khud ke liye jeeye..

Ab jo apno se dur ho gaye,

Zindagi ke safar mein.. 

Sochte hai, 

Kaash waqt ko samjha hota 

Kuch waqt ke liye...

Aankhen Takti Hain Raah Teri...

Aankhen takti hain raah teri,

Kabhi toh aayegi tum ko yaad meri..

Udaas hai aankhen toh rota hai dil 

Kyun nahi aata tumko khayal mera ek pal..

Bhool gaye raaste is manzil ke

Ya mil gayi nayi raahein.. 

Roz roz yahan aake ruk jate hai mere kadam 

Udaas mann se phir laut jate hai hum..

Sochti hun woh kaunsi wela thi 

Jo humse dur chale thay tum..

Ab toh nazrein taras gayi tere deedar ko,

Bhule se hie mil jao in nazron se tum. 

Mausam Aate Jate Hai..

Mausam aate jate hai,

Har baar kuch naya samjha ne..

Aati hai baharen jati hai par 

Kai yaadein dil mein chhor jati hai..

Woh khil khilate phool aur 

Woh hare hare pedh aur paude,

Jo lehrate hain subah aur shaam..

Woh saundhi saundhi 

Khushboo hawa mein phoolon ki 

Yaad dilaye tere aaspaas hone ki

Beeti raat ka yun chup chaap se 

Jana aur har roz naye din ka aana.

Mausam jaa ke laut aate hai 

Par jinay hum chahate hai 

Woh kyun chhor jate hain.. 

Kyun nahi laut ke 

Aate mausam ke jaise..

Chund Saanso Ki Udaari...

Chund saanso ki udaari de,

Beekhre hai kai sapne 

Unhe sametne ko 

Aankhon mein needh de..

Chund lamhon ki fursat de,

Uljhe hai saanso ke taar 

Unne suljane ki maulat de..

Chund dhadkon ki udaari de,

Har pal pal hai tera mujh pe udhar 

Usse chukane ki ijazat de.. 

Na jane kitni arzoo 

Sajaye baitha hai mera mann  

Bas unne pura karne ki mehrbani kar de..

Naa jane is maya ke jaal se kab dil ruth jaye 

Sare vade tut jaye kuch pal 

Teri bandagi karne ki bakhshish kar de..

Atki hai chund saanse hulak mein

Mujhe mere ghunao ki maafi de de..

Teri Kaisi Justaju..

Eh zindagi yeh hai teri kaisi justaju(talash)

Naa jane kitni baar hazaron arzoo

Dil mein dabake yunhi ghut ti rahi..

Saanso ke samundar mein heechkhole khati rahi..

Aasmaan ko chhune ki chaahat liye hawa mein

Panchi jaise upper ki taraf udhne lagi..

Naa jane kitni baar dhaal se toot ke

Sukhe patte ki tarah zameen pe bikhar gayi..

Iss justaju ke, naa jane kitne roop hai jo

Har baar naye rang odh ke jeevan mein aage aa jati thi..

Jeevan ki kashmakash mein naa jane 

Kab tu aasman se dhaal pe atak gayi, 

Aaj dhadkan ke taar tute toh zameen mein sama gayi..

Aaj Phir Yeh Shaam..

Aaj phir yeh shaam udaas gujar gayi..

Aankhon ko unke aane ki khabar mili 

Toh aik tak si raah pe bichh gayi..

Hua andhera intezaar mein toh 

Palkon ko lipat kar roh di..

Aanchal thaam ke ungliyon ne 

Chup chaapse hatheli mein chhupa liya..

Dard se bhare thay ashq 

Chehre ki rangat chura gaye..

Aane wale ne apne paigam mein 

Mulakat ka waqt likhna bhool gaya..

Haye re dil tu bi kitna bola nikla..

Kitaab Ke Panno Mein..

Kitaab ke panno mein chhupa tha alfaaz..mohabbat

Padhte padhte, naa jane kab phans gaye is lafaz ke jaal mein.

Badal gaya andaz sochne aur dekhne ka zindagi ko.

Badle hum jaise badle mausum apne andaz..

Dooriyan kum hui jab nazrein chaar hui.

Khud se dur hue jab se unke kareeb hue..

Jaise waqt ne doh kitaab ke panne thay khole.

Zindagi thi alfazon ki mithas mein dhubi hui,

Jab tak kisi ne kitaab naa bandh ki thi..

BHEED...(Crowd)

Jahan dekho wahan hai, bheed subah aur shaam..

Mod koi bhi ho ya ho koi gali

Aati hai, jati hai bheed kahin na kahin..

Anjaane se chehre nazar aate hai

Pehchane se kabhi kabhi..

Yeh hai kaisi bheed jis mein 

Hai itna shor kahin koi jaa raha,

Kahin koi aa raha.. 

Kuch chehre khud se 

Ulhje hue toh kuch apno mein 

Chalte chalte gulte hue..

Yeh kaisi chehal pehal hai waqt ki jo 

Har taraf dekho toh nazar aati hai bheed..

Chalte chalte, nahi hai kisika kisi se koi male

Phir bhi milti hain nazrein, nazron se bheed mein..

Jaa rahe ho ya aa rahe hai par kuch lamhon ke liye 

Khud kho jaate hai is bheed mein..

Is bheed mein kitne tanha 

Nazar aate hai sab apne aap se,

Bas hoti hai koi wajah 

Jo milte hai bheed mein hum aap se..

Naa jane kaisi hai yeh waqt ki gari 

Jo bas tick tick kar ke 

Bheed mein hai sab ko bhagati..

Yeh Jeevan Hai...

Yeh jeevan hai..

Kuch saanson ki

Dor se bandi dardkano ka..

Naache hai insaan katputli sa..

Mann pe naa chale jor dil ka..

Lalaach ne lalchaya,

Majboori ne nachaya..

Waqt ne bas dur baith ke

Apna farz nibaya..

Har baar insaan gari

Dekh ke apna kariya karta..

Karni aur karm ko woh

Naa jane na pehchane jab tak

Kisi jaal mein naa phans jaye..

Phir toh pheer,pandit mandir,

Masjid aur girjaghar hai jata..

Take take ke maatha apna 

Apni karni ki maafi mangta..

Naa jane zindagi ne 

Kaisi khuwaishen kar li hai jo

Khud ko har roz daav pe lagata.

Naa saanso ka barosa hai, 

Naa hie dardkan ka 

Pata nahi kab daga de jaye dono.. 

Zindagi laayi thi jeevan dekar,

Maut le jayegi jeevan chura kar..

Dharti Tadapti Hai Dard Se..

Kahin pe jaljala toh kahin pe hai sukha,

Kahin pe hil jati hai zameen toh,

Kahin pe garaz te hain badal..

Aaj bi dharti tadapti hai dard se,

Kyun taar taar hai uska aanchal..

Kahin pe bhoond bhoond ko tarse

Toh kahin pe aag se hai jalti…

Yeh kaisi pariksha hai jo,

Dharti ke aanchal pe

Aisse dard ki olhay hai girte..

Thaame hai apne aanchal mein

Vishal gagan ko,

Phir kyun tadpe hai

Woh aasman ko chhune ko..

Yeh kaisa hai teen lok,

Darti ke ek haath mein

Aakaash toh ek mein paataal..

Dard se karati, kis ko de dosh..

Yeh Jeevan Hai Anmol..

Eh zindagi,

Yeh jeevan hai anmol ke nahi,

Uss maa se jaa ke puchh..

Jisne kiye tere liye dard

Aur dukhon ka saamna..

Teri har karvat pe woh

Dheeme se muskurati,

Teri har dard ko woh sehlati..

Kitni raaton ko jaagi,

Kabhi nahi tujhe woh jatati,

Teri har aawaz pe woh

Dauri chali aati..

Uski dhadkan ka tha

Tere dil se aisa naata,

Jo tum roye, toh woh tadap jati..

Aisi maa ki fikar naa kar ke

Chaar din ke rishte mein,

Tum kya ulhje apni jaan hie de daali..

Yeh kaisi mohabbat hai

Jo aik pal bi tujhe,

Uss maa ki yaad naa aayi..

Aaj bheega hai aanchal uska aansun se,

Rohti hai aankhen uski..

 kya is din ke liye

Aayi thi eh zindagi, tum banke uski..

Dil ka Darpan ho,

Dil ka darpan ho, ya ho deewar pe,

Nazar aata hai chehra 

Dono mein alag sa..

Do chehre har insaan ke

Jab tak aankhen na jatay sab fareb..

Kaisa hai yeh darpan, 

Jo insaan munh pe meetha,

Peeth pichhe khatas liye phirta..

Mann ki chanchalta aisi 

Jhoot ko bi batay sach..

Kaisa hai yeh fark darpan ka..

Kyun pehn ke insaan chehra,

Nache katputli sa yahan wahan..

Aisi kaunsi hai wajah, 

jo samjhe na dusre ke dard ko..

Kyun nahi dil ke darpan ko dekhte 

Jo deewar pe lage 

Darpan mein bi wohi nazar aate..

Makaan kai hain har taraf...

Makaan kai hain har taraf par ghar nahi..

Deewaron pe darwaaze hain bandh

Toh khidkiyon pe hai parde bandh..

Sheher ke yeh kaisi hawa hai

Jo sab hai bandh har pal..

Uthi hai deewarein itni unchi ke

Fark par gaya hai insaan ki soch mein..

Doriyaan itni ho gayi rishton mein 

Doston ne jagah le li apno ki..

Har jagah hai saath doston ke 

Bhool gaye apno se rishtey..

Kyun hua hai itna badlao 

Har ek chal raha hai apne mann ki chaal.. 

Kya waqt itna badla ya rabb ne 

Palat diya hai insaan ke, sochne ka tarika..

Kahan kho gayi woh raunkay parivaar ki 

Jahan hote thay apno se hansi mazaak ke thaakay..

Nazar aati thi khushiyaan aangan se 

Chote bade parodsi ke parivaar ki,

Abh bas aate hai nazar darwaaze bandh durr se..

Naa hai apno ka aana jana 

Naa hai koi khabar apne aas paas ki.. 

Fursat nahi hai abh jo soche zamane ki.. 

Subah se raat tak daud rahe hai naa jane 

Kis gore pe jo hoti jaa rahi 

Zindagi daav pe lagi juvari si..

Khushiyaan kauson durr chali gayi 

Jab deewarein pe darare nazar aane lagi..

Kal ke chhote makan aur haveli ke aage 

Unchi unchi emaratein khadi ho gayi..

Eh zindagi tum toh naa makaan, 

Naa hie ghar ki ho saki, 

Bas subah se raat tak naa jane 

Kis daud mein kho gayi..