Kuch Pal Baithun...

Kuch pal baithun

aankhen Mund ke,

eh Zindagi sochu tum kya ho..

Mitti sa Sharir tera, 

pedon ki zaron si nabz.

Badalon ki awaz si

dhak dhak dil ki,

Saanse Hai hawaon si..

Phir bi sochu kuch bhi toh tera nahi...

Eh Zindagi.. yeh jo saaye Hai Maya ke,

Phir kyun bandhe tumne 

moti in moh ke daagon mein.. 

Tera toh kuch Nahi, 

phir kyun phans gayi 

lalach aur Maya ke jaal mein.. 

Loot lenge teri khushiyaan,

bhar denge aankhen aansuon se..

Yeh jo Dikhte Hai masoom se phool 

in mein Hai kante chhupe hue..

Mitti ke andher bhi hote Hai chhupe pather

JAB chothh lage toh hota Hai dard ka asar..

Eh Zindagi phir bhi sochu kuch apna nahi, 

kyun baithi hun main 

aankhen Mund Kar kis soch mein..

sare Hai khel Mann aur aankhon ke

jo hai uljhate dil aur 

dimaag ko apni chaalon se.. 

Aankhen khuli toh ehsaas Hua 

yeh toh Hai jaal Maya ke... 

Jin mein bandh hoke rehgaye 

sab karmon ke chakker mein.. 

Jism mit Gaya rooh fana ho gayi..

Jism raakh ho gaya, 

Rooh fana ho gayi.. 

Eh zindagi tum kahan se aayi, 

kahan chali gayi.. 

 Tujhse juda har rishta

Kachche daage ki tarah tut gaya,

Tere naam-o-nishan bas yaadein 

Banke tasveeron mein reh gaye.. 

 Sab ke chehre pe muskaan 

Aur khushiyaan dene wale, 

Aaj bhi tujhe yaad 

Karte hai har pal pal mein.. 

Ab bhar aati hai aankhen 

Aansuon se tujhe yaad karke..

Kaash tum laut ke aate hum sab ke liye..

Vhiyast hai tere dost apne roz ke kaam se, 

Par aata hai woh pal shaam ka 

Jab mehsus karte Hai, 

tera naa hona unke beech.

Hum sab ne kho diya tujhe, 

apne apne rishte se,

Kaash tum aaj bhi hote beech humare..

Pal pal hai dil rota mera,

Suhna ho gaya hai tere bin, 

Meri khushiyon ka gharonda..

Yaadien hai teri ab dil ke jarokhe mein,

Kaise samjahein is dil ko 

Ke ab tum is duniya mein nahi rahe..

Zindagi ka safar...

Nav mehno ka safar, 

Minto mein tut gaya. 

Tere bachpan se teri jawani ka safar 

Kai rishton se tumhe dur le gaya.. 

Mujhse mile bhi tum toh 

Bas kuch lamhon ke liye... 

Roz ke bhagdaud mein 

Naa jane tum kab bade ho gaye.. 

Yaad aati hai teri har pal bas 

Aankhen roh deti hai palkon ko bheegokar.. 

Sab rishton se pyara tha tera mera rishta, 

Duniya se pehchaan banane ke liye, 

Tum mujhse durr jane lage..

Dil(relatives) bole tere bete 

Abh daari muhchh wale ho gaye,

Jaldi se iski shaadi kara de..

Mann hie mann main muskurati 

Jab tum mere se lambe nazar aane lage..

Tum toh thay farishte us khuda ke 

Mere aangan mein aake khilay..

Ruthe hote toh bhela kar mana leti tujhe,

Tum toh itne durr gaye mujhse 

Ke laut aane ke rastay hie nahi hai tere..

Kis kis se chhupaun apne dard, 

Ke apna hie chhod gaya apno ko baigana kar ke..

Abh dil rota hai tujhe yaad kar ke,

Kya yaad aati hai humari kabhi tujhe 

Ke bhool gaya humein jake daam prabhu ke..

SAPNE...

Sapne.... 

Mere sapne tere sapne, 

Kaise hai yeh apne apne..

Khuli aankhon se, 

Bandh aankho mein aate.

Anjaan duniya mein ghumate..

Kabhi kuch jane,

Kabhi kuch anjaane se 

Chehre hai nazar aate..

Naa jane yeh kaisi duniya hai jo 

Bandh aankon ke sapne 

Ulhja jaate hai adhuri si baaton mein.. 

Kabhi rula jate hai toh 

Kabhi darra jate yeh sapne

Kuch adhuri kahaniyaan jo 

Aankh khulte hie dundla jati hai.

Kuch adhuri baatein jo 

Jaagte jaagte dimaag mein ruk jati hai..

Ulhji si nazar khuli aankhon se 

Jodti hai bheete hue bandh aankhon ke sapne..

Kaise hai yeh sapne jo 

Needh mein hie aate hai satane..

Bheete hue kal se aane wale kal ki 

Adhuri zindagi ki kahaniyaan dikhane...

Saathi Is Jeevan Ki Rail Ka...

Ooh re manna kyun ho tum itne udaas,

Koi nahi hota humesha saath..

Jeevan ke safar mein 

Milte hai aisse log hazaar 

Par koi nahi chalta saath. 

Mann ko behlana kuch lamhe unke beech,

Yeh nahi hai tere koi aziz..

Badal jate mausam, 

Yeh badle toh kyun hai tumko gham..

Matlab ke yeh dost, matlab ke yeh rishte 

Milte hai jeevan ke safar mein..

Naa rahe udaas safar mein 

Nahi humesha hota hai har koi saath..

Safar hai zindagi ka jeevan ki rail se, 

Kai aaye kai gaye, 

Naa jane kya kya saugat de aur lekar gaye.. 

Bas kabhi kuch ashq chhalak gaye aur 

Kabhi chhoti si muskaan chehre pe 

Khil gayi yaad aate hie unn palon ki.. 

Koi nahi tera ya mera, 

Har koi hai bas 

Saathi is jeevan ki rail ka...