Waah kya zamana aa gaya..

Waah kya zamana aa gaya.. 

Chhoton ko jaldise bada hona hai 

Aur bhudon ko jawan rehna hai..

Umar ka takaza hai ya 

Dilon ki khwaishon ka 

Mann mein toofan utha hai..

Waqt ke chalte samay ki 

Ginati nahi rukti..

Per mausam ke badalte rukh se 

Jeevan mein halchal si hai uthti..

Kaisa zamana aa gaya..

Bachpan abhi khila bi nahi 

Ke aakhon ne sapne 

Jawani ke dekh liye..

Loot gaya balpan is 

Computer ke chakkar mein..

Badal gayi bolne ki basha 

Aadi hindi toh aadi angrezi mein..

Naa samajh paaye gharwale 

Kya hua aaj kal ke chhora aur chhori ne..

Naa jane kitne jhoot ke mahal 

Inke mann ne khade kiye..

Kho gaya hai mazaa 

Wo khule aasmaan ke 

Talay uchhal kudne ke..

Jab mila moka aake 

Computer par haath japta..

Badal kar naam aur laga kar tasveer hero 

Aur heroine ki  khud ko hai pesh karte..

Ganton tak is par hai mast rehte 

Bhool kar apno ko 

Games & chat mein khush hote..

Kar baithe hain aanjaan se 

Dosti bin dekhe ya milay..

Naa jane kitno ko jaan aur 

Sweetheart hai roz bolte..

Ho gaya hai avishkaar sansar ka 

Ya ho raha naash insaan ka..

Kuch accha hai kuch bura sa hai 

Fayeda is computer ka..

Afsos..par nazar aata hai aaj 

Bachcha bachcha iske jaal mein phansa hua..