Na jane kyun hai dil udaas..

Na jane kyun hai dil udaas.. 

Yaad aayi hai kisi ki khaas..

Wo uski chhoti chhoti si baat..

Har pal thi jiske chehre pe muskurahat..

Wo jane kyun aaj aaya hai itna yaad..

Kis se puchhu, kahan dhundu 

usse a dil tu hi bata..

Jo khoya meri aankhon se 

nazron ke paas.. 

Aaj dil chahata hai baar baar ke 

Aa jaye bas wo ab mere paas..

Tum apni aagosh mein..

Tum apni aagosh mein 

Jab sama lete ho mujhe..

Aur main pyaar mein 

khil ke sunhari si tumhari ho jati hoon..

jab hoti hoon main tumse juda to 

main bikhri si kaali raat nazar aati hoon..

Tumhari judaai ke gham mein

yunhi andhre mein sulagti rehti hoon..

na jane kitne pal aur lamhe...

Bas tumhare aane wale 

Kal ke intezaar mein..

tum phir samet loge mujhe 

aake apni bahon mein..  

Mili zindagi insaan ki toh...

Mili zindagi insaan ki toh jude 

Kai rishte alag alag naam se..

Sab thay apne jab 

Haath aur pair thay nanhe se.. 

Kabhi koi to kabhi koi hota 

Saath mein mere humesha..

Jab se lage zindagi ko samajhne 

Tab se kai baar hue hain dil aur mann se akele.. 

Mile kai dosti ke naam pe saathi par 

Koi aaj tak naa chala saath meri manzil tak..

Sab mile apne ban ke par 

Dilse na hua koi apna aaj tak..

Kabhi jo apne thay woh bi kisi wajah se 

Chhut gaye kisi manzil par..

Sochta hun kya hai yeh sab chakkar...

Jo mein hun itna uljha hua sa 

Bheed mein bi aaj main hun akela sa.. 

Kya yehi hai zindagi ka safar 

Jisko gadde ki bhanti dho kar, 

Roh kar khich raha hun main ab tak..

Kisko khojti hai yeh meri nazar.

Jab janta hun ke apna saaya hi 

Saath nahi hota andhre ko dekh kar, 

Toh matti ke putlon ka kya dosh..

Haal-e-mohabbat ka..

O dil-e-jigar..

O noor-e-nazar..

Kya sunnay tumhe hum 

Haal-e-mohabbat ka..

Mehboob ki mehndi ka 

Rang na sajja 

Meri hatheli pe chokha. 

Chaha tha khayalon mein jisko 

Wo toh kisi aur ke 

Maang ka sindhoor nikla..

Badi aarzoo thi ke 

Kuch pal saath jee lun uske..

Par wo to kisi aur ka humrahi ho gaya..

Intezaar Eid ke chand ka..

Ankhon ko Jaise rehta hai 

Intezaar Eid ke chand ka..

Aaj bahut mannat ke baad mujhe bi 

Mil gaya deedar dil-e-yaar da..

Tum badri mein chuppa hua chand ho,

Ya ho chaudvin ka chand..

Jo aaj aasman mein 

Nazar aaya hai chamkta hua..

Aao chuppa du tumhein 

Is dil mein humesha ke liye 

Jahan bas dekhun main tumhein 

Apne rooh se palkein utha ke.... 

Chand akela hai...

Chand akela hai par uske

Aas paas taaron ka mela hai.

Raat akeli hai par charon taraf

Uske tanhai thehri hai..

Udaas udaas sa hai dil mera 

Jaise jal raha holay se aag ki tarah..

Kisse puchun main uska pata..

Roz nazrein jo karti hai jiska intezaar

Ya Rabba..usko main dhoondu kahan.

Teri tasveer se behlayein..

Kab tak is nadan dil ko 

Teri tasveer se behlayein..

Jo pal pal mein teri yaadon ke 

Samundar mein dhoob jaye..

Kaise sambhale hum khud ko jo 

Teri jeel si aankhon ke 

Nashe mein hai khoya hua..

Ab to tu jaan le kitna hun mein 

Aaj bi tere bin akela..

                                                          

Aaj phir wohi shaam aayi..

Aaj phir wohi shaam aayi... 

Teri yaadon ko saath layi..

Aaye wo pal yaad jo kabhi thi tum meri..

Tere bin ab tanha tanha si zindagi meri . 

Sochta hun jitna tumhein, 

Utna hi kho jata hoon main,

Aaj bi tere hi khayalon mein..

Mohabbat mein..

Mohabbat mein pholon ki

Sej na sajja sake..

Toh aansuon ke haar kyun

bichha rahe ho mere janaze par..

Mausam ki barkha se na bheeg kabhi

Per teri ankhiyon ki barkha se 
bheeg gaye mere bi nayan.. 

Jane wale chale jate hain..

Jane wale chale jate hain..

Apni yaadein dilon mein sanjo ke..

Jab jab aati hai unko hamari yaad, 

Toh dil ke kone se dard ban ke 

Aankhon se chhalak ke aa jate hain bahar..

Pal pal ka tha saath kab kho gaya pata nahi.. 

Ab aati hai unki yaadein per wo nahi..

Phir bi na jane kyun rehta hai intezaar 

in khuli palkon ko unka har baar.. 

Shayad aaj bi wo mujhe bhula hi nahi..

Dil tha mera aisa parinda..

Dil tha mera aisa parinda

Jo naa jane kis aur

Pankh phela ke udd jata..

Sochta tha bahut kuch per

Jab se aaya hai khayal tera..

Bebas hoke chupke se

Kone mein baith jata hai..

Yeh teri mohabbat thi ya

Tera deewana pan jo

Tere jane ke baad bi

Tere dilse juda hi nahi

Ho pati hai meri rooh..

Kabhi khule aasman ke Niche..

Dilon mein rehne wale,

Kabhi khule aasman ke

Niche bi aake mil..

Dekh kaise jee rahe hai

Aaj bi hum tere bin..

Tum to chhup gaye ho

Badri ka chand ban ke..

Per taras ke chhalak gaye

Mere nayan  aaj bi

Tera intezaar karte..

Aaj suji hai shararat is..

Aaj suji hai shararat is nadan dil ko...

Chala hai mohabbat ka dum bharne..

Badi dher se hai machal raha

Aaj to usko I L U bol de..

Bahut dher se hai muskura ra,

Mann hi mann alfaazon ki

Jod tod mein ulhja raha..

Aankhon mein masti aur

Hoton ki muskaan,

Chhuppaye nahi chhupti..

Yeh gulabi chehre pe

Khuli ishq ki kitaab..

Per wo hai kahan,

Jiska hai intezaar

In aankhon ko abi..

Ya main hi hui deewani uski

Jo khud hi uske khayalon mein

Ja rahi hun dhoobti..

Yeh dil bi pagal hai jo karta hai

Shararat ajeeb ajeeb.. ;)

Pal bhar mein tumne..

Pal bhar mein tumne chur chur

Kar diye mere dil ke mahal..

Mujhe apnana naa tha toh bata dete..

Yun dillagi karke mera dil toh na tod te..

Mana kal tak tumhari

Nazar mein thay hum khaas

Jab aaya pal saath dene ka toh

Thaam liye kisi aur ke haath..

Tumne pher diye mujhse apne nayan..

Itna na mujhe tu pyaar..

Itna na mujhe tu pyaar kar
na tu mujhe itna yaad kar.. 

Seene mein mere uth raha hai dard..

Bechain ho jati hai dhadkane meri

Aur tadap ne lagti hain saanse bi ab..

 sochte hain kaise jeeyenge 
hum tere bagair ek pal..

Waah re ameer..

Kitna sukh aur anand tha

Jab main sab ke liye ek tha..

Waah re ameer..

Pathar aur mitti ka tha main to

Teri pyaar se machal jata tha..

Gareeb ki joli mein uski pukar se

Pigal ke sama jata tha..

Jabse tumne mujhe

Sone ke siyasan aur

Heere ke mukut se nawaza hai

Main to tera hi hoke reh gaya…

Ameer ke gale se lekar

Anghutti mein mujhe sajaya hai..

Gar mein mujhe alag alag 

roop mein bithaya hai..

Ab main to bas puja ke liye kam

Show piece jyada dikhta hoon... 

   bas ab teri hie aawaz sunta hoon..

Halki halki si uth rahi..

 Halki halki si uth rahi hai 

Dard ki tarange seene mein..

jaise koi khaas kar raha hai yaad,

Ya hai yeh koi bhulava uska 

Mujhse milne ka akele mein..

lagta hai tanha sa ho gaya hai wo 

Mere bin is duniya ke melay mein..

Ek woh shaam thi

Ek woh shaam thi aur

Ek yeh shaam hai..

Kabhi milte thay humse pyaar se

Aaj anjaane se ban baithe hain..

Kabhi Alfaazon ka

sara lekar humse bolte thay..

Aaj humse hi aankhen 

milane se darte hain...

tum ek baar aa to jao...

tum ek baar aa to jao 

in nazron ke saaye mein..

palkon se utha ke 

dil mein chupa lenge 

tumhe zamane se..

Agar bewafai karne ki..

Agar bewafai karne ki koi saza hoti toh 

Aankhen yun kabhi naa roti..

Dil na yun tadapte tanhaiyon mein 

Mohabbat ke gham se chhalakte hue.. 

naa hote mohabbat ke zakhm itne gehre jo 

mehboob se mile dard se duniya se dur rehte..

Khushiyan to gehron se...

Khushiyan to gehron se

Milti hain udhar kuch palon ke liye..

Yeh dard hi toh apna hai jo

Tanhai mein bi rehta hai saath 

Gham ka matam manane ke liye..

Hai wo har lamha mere saath..

Aaj bi hai wo har lamha mere saath

Bas nazar na aa saka

Aankhon ke aas paas..

Lafzon se usse mana na sake

Isliye ashqon ko bha diya..

Palkein jhuki bi toh bas

Zubaan ne uska naam liya.

Wo dur gaya nazron se..

Per mere dil se na jaa saka..

Abhi na karo jane ki baat..

                         Abhi abhi to aaye ho aur abhi na karo jane ki baat..

Abhi abhi toh shuru hui hai tumse mulakaat ..

Thehro to sahi kuch pal humare paas..

Abhi abhi toh aayi hai shaam kar ke solah shingar..

Abhi abhi toh aayi ho tum saj ke bahar..

Abhi toh dekha nahi tumhe utha kar nazar ek baar..

Ab to samjho tum mere dil ki baat..

Jee to lene do mujhe kuch pal tumhare saath..

Abhi abhi na karo tum dur jane ki baat..

Kagaz mein Chhap ke reh gaya..

Jo kal tha mera, woh aaj kagaz mein 

Chhap ke reh gaya..

Jo aaj hai, wo yaadon mein 

Simat raha hai..

Agale pal mein pata nahi,

Kisi ko MAIN yaad hun bi ke nahi..

Bas kagaz ki tasveer mein 

Yaad ban ke kisi ke dil or 

kisi ke Deewar pe latak gayi..

Main umar mein badhti...

Main umar mein badhti jaa rahi ya

waqt badalta gaya karvat pe karvat..

badalti gayi  main apne

soch aur vichaar mein ya

mausam ki rut badalti rahi,

har baar mera mann..

kabhi kabhi khele kai khel 

dhoop aur chhaon ne mere dil ke sangh..

kai baar subah aur shaam ne 

uljha ke kar diya udaas..

waqt aur kismat ka diya wo dard

mera na tha per mera hoke rehgaya 

tamaam umar mere saath....

Waqt ko dekha hai badalte..AMITABH. B JI..

Waqt ko dekha hai badalte..

Bachpan se khelta raha 

aankh micholi mujhse..

Har baar odh diya mujh pe 

naye kirdar ka chehra..

Khud dur baith ke nachaya mujhe 

kabhi hansaya to kabhi rulaya mujhe...

Jod ta gaya har baar 

naya rishta kisi na kiska mujhse..

Afsos.. Laut ke na aaya mera wo kal,

jo maine kho diya bachpan se aaj tak 

aankhon ko bandh karte karte..

Apna mehboob bana dun..

Meri kismat ki lakeeron mein

Wo tumhe likh na saka..

Meri dhadkon se tumhe wo jod na saka..

Apne dil mein tumhe bitha dun.

Aaja tujhe saanson mein mere chhupa dun

Apne haathon mein saja ke

Aaja tujhe apna mehboob bana dun..

Kabhi to bin bole...

Kabhi to bin bole dil ki baat samjho..

Aankhon ne jhukaya hai nazron ko samjho..

Har baar alfaaz mohabbat ko

Bayaan nahi kar sakte..

Lafzon ki mala ko

Na yun mann mein tatolo..

Kabhi toh kuch bin kehe bi samjho..

Abi aankhen bandh bi..

Abi aankhen bandh bi naa hui meri 

Aur saath chhod ke chal diya...

Tha tera vaada umar bhar ka mujhse 

Jaise saanso se dhadkan ka 

Tum toh nazrein pher ke nikal gaye 

Jaise mujh se pyaar na raha..

Aaj hai dil bahut udaas...

Aaj hai dil bahut udaas 

Kisi ne tod diye hai dil ke kuch taar..

Uth raha hai dard ka toofan 

Baras rahi hai aankhon se barsaat..

Aise lag raha hai jaise ho gayi rooh juda

Dil se bahut arse ke baad...

Aaj wo hai kahan..

Kal tak jo karte thay intezaar is dil ka

Aaj wo hai kahan..

Jiske aane se aati thi bahar

Aaj wo chhupe hain kahan..

dil ke paas hoke bi 

nazron se dur lagne lage..

jaise badalon mein chhupa chand 

taaron se luka chhuppi khele..

Ik arsaa bheet gaya...

Ik arsaa bheet gaya duaa na salaam hua..

Faasla itna hua jaise dharti se aasmaan dur hua..

Ranjeeshe hi thi jo do dilon ko tanha kar gayi..

Ab yaadon ke samundar mein

Tere khayal dharkte hain..

Lagta hai jaise tumhare dil ke

Kisi kone mein aaj bi hum rehte hain.. 

Yunhi nazron se manaoge..

Kab tak yunhi nazron se manaoge..

Dil mein jo baat hai zubaan pe kab laoge..

B-taal hue jaa rahi hai meri dhadkane aur

Tum muskura rahe ho mann hi mann.

Raas to ek bahana tha..

Raas to ek bahana tha bas

Khud ko tere nazdeek pana tha..

Yun teri bahon mein lehrana

Hume deewana kar gaya..

Yun meri nazron se dil ko churana

Teri bi aashqi bayaan kar gaya..

...Yeh shararat bhari nazron ko..

Humara udaas hona kisi ko raas na aaya 

Socha chalo aaj thora sa khud ko badal de....

Pal do pal apne lafzon ko 

Mohabbat ke nashe mein dhoobo de..

Yeh shararat bhari nazron ko na palkon se chhupa 

Aaj mohabbat ki chahaton mein khud ko lapet le..

Apne chehre ki rangat ko aur na laal kar 

Dil mein jo hai aaj labon se ikraar kar..

mere mehboob bas pyaar pe mere vishwas kar..

Kabhi teri yaadon se..

Kabhi teri yaadon se tanhai mein 

batiya ke muskura lete thay akele...

Ab wo bi churati hai mujhse apni nazrein..

Dhundlate gaye wo manzar..

Dhundlati gayi nazron se wo sadak..

Jahan kabhi ghanton tak 

rehte thay tere sangh hum..

Teri yaad chali aayi...

Khayalon mein 

teri yaad chali aayi...

Jitna bi chahun bhulna 

bhool na paayi..

Kho jati hai nazrein aaj bi

aake phir ussi morh pe...

Jahan bas teri kuch bheegi hui yaadein 
har baar ashq ban ke chhalak aayi.. 

Kuch palon se thay hum...

Kuch palon se thay hum

Ghum kisi aur jahan mein

Na tha pata yahan

Milte hai log chehre pe

Naqaab pehne..

Badli badli thi inki basha...

Bhool gaye hain sab

Bhatak gaye hain sab

Dekh ke is duniya ki

Chamak dhamak..

Bhool gaye hain wo

Apne sare sanskar..

Bhool gaye chote bade ka lihaaz..

Ab wo na mann ki shanti hai

Na wo sukun unke paas..

Tapay aur barke rehte hain

Chhoti chhoti baaton pe sab ke saath..

Kya hogaya hai in naujawano ko 

har pal rehti hai zubaan pe gaali galoch..

Kahan le jaa rahe hain apne aapko..

Taraki kahan hui hai kisi ki..

Dhoobta ja raha kisi na kisi

Nashe mein yeh aane wali pidhi..

Vishwas na ho to dekho jaa kar internet pe..

Badal gayi hai kitni jaldi aaj inki A B C D ki meaning..