kal kya layega..

kis se pata kal kya layega..

aate aate aaj ki tarah yeh bi chala jayega..

har roz karte hain aane wale kal ka intezaar..

per na kabhi laut ke aaya.. gaya hua kal ..

na kabhi aayega.. wo aane wala kal..

bas jo hai wo hai aaj..

toh bande na ganwa 

is aaj ko kal ke naam pe..

thaam le jo hai aaj haath mein..

warna pata nahi kab aaj mil jaye khaak mein..

DESTINY MADE US DOST..

DESTINY MADE US DOST..

LIKE CHAI & TOAST..

WE WERE HAPPY HAPPY.. 

LIKE BURGER N PEPSI..

MISSED THOSE LOVELY 

MOMENTS OF TOGETHERNESS..

THOSE LITTLE LITTLE FIGHTS 

LIKE CHUTNEY,PAPAD N AACHAR.

MADE ME REALIZE HOW IMPORTANT

DOST R IN OUR EVERYDAY LIFE..

SO FRNDS SMILE ITS DESTINY'S CHOICE.

NOW U ALL R WONDERFUL FRND OF MINE 

WITH A GOLDEN HEART N SWEET SMILE.

O RE MANNA...

O re manna kyun hua re tu bawra. 

labon se sun ke uska naam 

dil ko leke kahan udh chala. 

khayalon ke mahal ya 

khuwaabon ki jeel per. 

dekh re aankhiyon ke hai 

har taraf pehredari 

jara sambhal ja kahin
chura na le tera dil koi manchala..

Yeh makaan apna nahi..

Yeh haddi aur maas ka
makaan apna nahi hai..

jisko saj sanwar ke phirte hain..

wo bi kiraye ka mila.

jisko kiraya hai malik ki bandagi..

per us mein bi dokha kar baithay..

aisse dost mile ke

(lalach,jhoot, makari aur maya.) 

apna wajood bhool gaye.

batak gaye apni manzil se.

phans gaye fir chaurasi lakh

janamo ke chakra mein.

jab pata hai insaan ko

kuch apna nahi hai

fir bi batak raha hai

mera mera kar ke.

jaal bhun raha hai

maya aur lalach ke saath

apni aankhen mundh ke..

na kuch saath aaya

na kuch saath jayega.

jaag re bande kar le 

malik ki kuch bandagi ke 

jab jaye is jahan se to

malik ke haath thaam ke saath jaye.. 

Waqt ke hain do haath..

Waqt ke hain do haath..

dharti aur aakaash..

Waqt chalta hai apni chaal..

din aur raat..

Waqt jaise chahe waise karaye.. 

saal ke 12 maas..

fir bi koi uff na kar paye 

24 ghante mein ek baar..

jo kare mann maani waqt kare de 

uske jeevan mein haani.

Waqt se na lad paya aaj tak koi.

kaisi chaal chalta hai na yeh waqt 

tik tik karke dil ki dhadkan se  

jaise khelta hai aankh micholi..

Kaise dhundlati gayi..

Kaise dhundlati gayi 

teri yaadein...

yaad nahi..

Kaise kho se gaye tum 

meri nazron se..

dekha nahi..

Kyun hue ithe faasle..

aaj bi pata nahi..

fir bi hai intezaar ke 

tum aaoge milne.. 

kabhi na kabhi..

Kuch pal toh rehte...

Kuch pal toh 

rehte in palkon mein..

kuch pal toh nazrein 

kar leti tumhare dedaar..

kuch pal to kar lete yeh 

aankhen tumse baatein do chaar..

per tumhe to thi itni jaldi ki 

ashqon se takra ke chal diye..

dekho na bechare tumse milne ki 

khushi mein palkon se 

fissal kar ghir pade...

Aayi thi tumse...

Aayi thi tumse milne, 

meri yaadein hichki ban ke..

laut aayi udaas si.

pucha to kehti hai kaise jate..

dil aur zubaan pe hai uske

kisi aur ke naam o nishan.

in sard hawaon..

A dil na yuh machal 

in sard hawaon ko dekh kar..

yeh toh hai kuch pal ki musafir 

phir chal de gi kisi aur disha ki ore.

in ko dekh ke tu na apne rang badal.

satate ho..

Uski yaadein ban ke 

rehte ho mere dil mein 

pal pal khayal ban ke satate ho..

kabhi meri bi yaadein banke jao 

uske khayalon mein, 

jaa ke usko satao..

lagta hai wo bekhabar hai mere dil se 

tum hei kuch mera haal e dil usse sunao.

Beet gaye kitne mausam...

Beet gaye kitne mausam suhane..

Bheet gayi kitni chandni raatein..

Bheet gaye kitne
lamhe tere intezaar mein..

per ab tak na aaye aane wale..

kabhi milo toh batayen 

dil e haal ke tarane..

jo pal gujjre thay akele 

ab ban gaye dil ke afsane..

bas ek tum heii thay jisko 

dekhne ko taras gayi thi meri nigahen..

Har din ki raat hoti hai ..

Har din ki raat hoti hai ..
har pyaar ki mohabbat hoti hai..
har dil ki dhadkan hoti hai
fir kyun hai zindagi mein
itne sare dard aur gham..
badalta sab hai waqt ke saath,
socho to fir kahan hai 
ghunzaaish ranj o gham ki
is chhote se jeevan ke paas....

Raat mein kho se...

Raat mein kho se gaye
tere intezaar mein.

subah hui to khud ko 

samet ne lage teri yaad mein.

per yeh dil ko kya ho gaya 

kyun wo itna udaas sa 

pada hai hathaliyon mein chhupa sa..

bahut muskul se aansuon ne 

chhalakte hue bataya ke 

tut gaya hai dil uss ki bewafaai se.

tukre ho se gaye kai uski ruswaai se.

ab kaise sametenge is tute dil ko 

jo deewana sa ho gaya hai tere pyaar mein.

Tum paas nahi..

 Tum paas nahi to 

kuch bi nahi hai jaise jeene ko

soch ke udaas ho jata hai dil  bechara. 

teri yaad mein khoye hain aisse

ab toh hosh bi nahi hai apna.

aaye bhar ashq tume dhoond ne

toh fissal ke ghir pade palkon se.

heiii.. tere pyaar mein toh 

hum deewane se ho chale.

Milay thay ajnabi se..

Milay thay ajnabi se hum tum..

teri dosti ne itna ehsaas dilaya ke

saath chaloge  mere tum..

kuch lamhe saath gujre bi nahi ke

tum chal diye bina kuch bataye

humse durr jaise

ajnabi se hogaye hum.

Aisa koi pal na..

Aisa koi pal na hoga jo
yaad naa aaye tum..
din ko khayalon mein to
raat ko khuwaabon mein
tume dhoond rahe thay hum.
lagta hai tume toh hum yaad hie nahi
warna milne aajate kab ke tum..

Bas ek jaan thay ...

Jab se tere naina

mile mere nayno se...

hoton chup thay

lafaz ghum thay.

bas saanson ki raftar se

do dil dhadak rahe thay.

naa tum thay naa hum thay

bas ek jaan thay is jahan mein..

Dil ke is paar...

Jab bi yaad kiya to royi aankhen..
jab khayal aate tumare to
chhalak jate ashq palkon se.
jab bi naam aata zubaan pe tumara to
dil sisak  padta tumse milne ke liye.
bas ek baar to aajao
dil ke is paar humse milne ke liye.

Teri har muskaan mein...

Teri har muskaan mein 

chupe hain dard ke saaye.

auron ko khushi dene wale 

kabhi tum bi ho muskuraye.

gehre rango se rang ke chehra apna, 

logon ke lekar dard dete ho khushiyaan.. 

 pal mein logon ko hansate ho 

pal mein khud hie rote ho. 

apni kalakari se 

sab ke mann jeet lete ho.

tumhare rangeen poshaak ke piche 

chupe hai kitne jadoo ke rang.

yeh tum jaano per 

kabhi naa jaan payenge log..

dard hain dil ke...

kyun ho gaye ho 

itne durr ke nazar aate nahi..
kaunse aise dard hain dil ke 

jo tum batate nahi..
kya tume kabhi 

humari yaad aati nahi.
kab tak kare tumara inthzaar..
ab to in surkh aankhon mein 

ashq bi aate nahi..

sankranti ka maas..

Aaya makkar sankranti ka maas
udh ne lage rang bi rangi
patange nele aakaash.
Ah dharti pe rehne walon
apne shauk ke liye
na hum panchhiyon ki
jaan khatre mein daalo.
hume bi bada dard hota hai.
uss patang ke maanje se
jab hum hote hain zakhmi.
pantang ke daage se
na humare pankh kaato.
hum per bi apni nazar daalo.

Teri judaai mein..

Teri judaai mein dil ko
dard se pyaar ho gaya..

Aankhon ko tere intezaar ka
bukhar ho gaya..

Dekho toh tadap tadap ke 

mann ka bhura haal hai.

Mere labon pe
aaj bi tera naam hai.

mat suniyo re..

Aankhiyon ki mat suniyo re..

yeh toh hogayi harjaai..

roh roh ke palkon ko bheega gayi re.
jab se meri palkon se kajra tum chura gaye re..

dil-e-dard aankhiyan aansuo se bata gayi re..

naa suniyo re..aankhiyon ki mat suniyo re..